Børsdagen: Gulrot for Fagervoll

Dersom styret i Golden Energy Offshore Services lukkast med å få refinansiert dei to offshorefartøya Energy Empress og Energy Duchess får dei kjøpe aksjar med kraftig rabatt.

Dei to fartøy bli i dag leigd inn av reiarlaget gjennom ein leasingavtale. Målet er å finansiere skipa slik at børsnoterte Golden Energy Offshore Services sjølv tek over eigarskapet, gjennom datterselskap.

Lukkast det skal dagleg leiar og styremedlem Per Ivar Fagervoll få to millionar kroner i ekstra godtgjering, styreleiar Sten Gustavson 350.000 kroner og styremedlem Morten Muggerud 250.000 kroner.

Eitt av vilkåra for å få den ekstra godgjeringa er at dei kjøper aksjar i selskapet for pengane - til pålydande - som er ei krone per aksje.

I dag er børskursen i Golden Energy Offshore Services tre kroner.

Med dagens kurs er det ein gunstig avtale for dei tre, sjølv om det høyrer med at det ordinære styrehonoraret for 2022/2023 skal trekkast frå om refinansieringa lukkast og dei tre vel å ta i mot den ekstra godtgjeringa. Det ordinære styrehonorarer er på 500.000 kroner for styreleiar og 350.000 for dei to andre.

Golden Energy er i dag mellom selskapa som steig mest i verdi på Oslo Børs, men ein kursauke på 11,11 prosent. Berre tre selskap steig mer i verdi i dag.

I den motsette enden av skalaen er det landbaserte oppdrettsselskapet Atlantic Sapphire som med ei børsmelding i går skapte uvisse om framdrifta for andre byggetrinn på anlegget i Florida.

Atlantic Sapphire fall 13,71 prosent i verdi i dag. Hittil i år har aksjekursen falle 49,4 prosent og selskapet er verdsett til 1,9 milliardar kroner.