Eigarane går inn med nye pengar

Forlik om fiskebåten Fay og ekstrakostnadar i samband med konkurs i skipsdesignelskap var med på å drage lønsemda ned i skipsverftet Stadyard i fjor (sjå tabell under).

Etter underskotet i fjor har eigarane bestemt seg for å gå inn med ny kapital, men har førebels ikkje avgjort kor mykje, seier dagleg leiar og storaksjonær Agnar Lyng til NETT NO.

Forlik etter forlis
I fjor inngjekk eigarane av fiskebåten Fay, Kenfish II, og Stadyard eit ikkje talfesta forlik.

Fay forliste i Barentshavet 28. desember 2019 og fiskebåtreiarlaget Kenfish II meiner verftet Stadyard og skipsdesignselskapet Seacon må bere ansvaret for forliset og skulle betale erstatning.

Forliket i fjor sette punktum for striden.

Designkonkurs og forseinking
Fiskebåten Arntind vart også eit problemprosjekt for Raudeberg-verftet i fjor.

Designselskapet som teikna båten, gjekk konkurs omlag i det skroget kom til verftet. Dei måtte difor ta mykje av designarbeidet på eiga kappe.

Båten vart levert i sommar, men Stadyard har vald å bokføre heile prosjektet i 2022-rekneskapen.