Fleire vil droppe skjenkestoppen

(NPK-NTB-NETT.NO): Forbodet mot å skjenke alkohol grunna koronapandemien, har skapt debatt og fleire stiller spørsmål ved behovet.

Tysdag gjekk mellom anna gjekk Kristin Krohn Devold i NHO Reiseliv ut og tok til orde bruk av vaksinepass i staden for skjenkeforbod.

Onsdag kjem Frp og MDG med forslag til Stortinget som vil oppheve skjenkestoppen, som førebels gjeld til 14. januar. Fleire har teke til orde for det same, men forslaga i Stortinget ligg ikkje an til fleirtal per no.

Frps Bård Hoksrud fremma onsdag eit forslag om å oppheve den nasjonale skjenkestoppen med det same. I forslaget heiter det som følgjer:

«Stortinget ber regjeringen sørge for at kommunene selv avgjør om det skal kunne tillates alkoholservering i forbindelse med matservering, så lenge det er strenge smitteverntiltak».

Vil skjenke på restauranter
Frp ber òg regjeringa sørgje for at skjenkestader forpliktar seg til å halde oppe avstand og avgrensingar i talet på gjester.

Hoksrud, som er Frps helsepolitiske talsperson, meiner det er viktig at smitteverntiltak ikkje blir innført for å vere på den sikre sida, og partiet foreslår derfor skjenking på restaurantar.

– No som FHIs eigen observasjonsanalyse seier det ikkje er nokon forskjell i smitte mellom full skjenkestopp og delvis skjenkestopp, så håpar eg Stortinget tek til fornuft og stemmer for forslaget vi legg fram. Der foreslår vi å tillate å servere alkohol på restaurantar, seier Hoksrud.

MDG og Venstre vil ha vekk forbodet
Også MDG har varsla at partiet kjem til å fremme forslag om dette for Stortinget onsdag.

Fleire parti har teke til orde for å droppe skjenkestoppen, men det ligg ikkje an til at forslaga vil få fleirtal.

Dessutan vil Venstre fjerne forbodet, medan SV ber om ei revurdering. Samtidig har Høgre varsla støtte til regjeringa si linje.

Fleire held ope
Før jul vart det klart at mange serveringsstader ville ta tilbake tilsette grunna lønnsstøtta frå regjeringa, og likevel halde ope.

Denne veka har ein rekke restauranter og utestader i Ålesund ope. Mellom anna har Egon i Løvenvoldgata halde ope heile tida, T2 i gamle Toldboden opnar onsdag og fredag opnar XL Diner.

Også Dampsentralen i det nye Pir-bygget og Molo Brew har opna denne veka, ifølgje Sunnmørsposten.