Selskapet Norwegian Hydrogen har signert ein avtale med tyske Fast om levering av hydrogenfabrikk på Hellesylt i Stranda.
Det opplyser selskapet i ei pressemelding måndag ettermiddag.
– Kontrakten er ein viktig milepåle for Hellesylt Hydrogen Hub-prosjektet og vil sikre at Norwegian Hydrogen kan levere våre kundar med grøn hydrogen innan fjerde kvartal i 2023, uttalet prosjektleiar Andreas Wenaas Østigård i meldinga.
1300 kilo dagleg
Hellesylt-fabrikken skal ha kapasitet til å lage 1300 kilo hydrogen dagleg ved hjelp av eit konteinerbasert anlegg.
Anlegget som vil vere det første til Ålesund-selskapet, skal også nytte varmen frå produksjonen til Flakk-hotellet som skal byggast rett ved. Oksygenet vil nyttast i landbasert oppdrettsanlegg, ifølgje Østigård.
Kva er grøn hydrogen?
For utslippsfri produksjon av hydrogen, sokalla grøn hydrogen, er elektrolyse den vanlegaste produksjonsmetoden. Det er ein prosess der straum brukast til å spalte vannmolekyler til hydrogen- og oksygengass.
Hellesylt Hydrogen Hub blei starta i 2019 for å utvikle hydrogenproduksjon tett ved verdsarvområdet med Geirangerfjorden.
Fabrikkplanar også på Sjøholt
Norwegian Hydrogen har ein rekke prosjekt på gong, både i Norge og utlandet. Ålesund-selskapet har mellom anna planar om ein større fabrikk for hydrogen ved Sjøholt, som etter planen skal stå klar året etter Hellesylt-fabrikken.
Nyleg kom dei også med nyheita om eit samarbeid med japanske Mitsui og amerikanske Firstelement Fuel, om å bygge ut hydrogenstasjoner i Norden.
Flakk-familien i Ålesund er største eigar i Norwegian Hydrogen, men også Hofseth International og Tafjord Kraftproduksjon er mellom aksjonærane.
Publisert: 23.05.2022 17:38
Sist oppdatert: 24.04.2023 09:43
