Marknadsutvikling største utfordring

Utviklinga av marknadene er den største utfordringa nett no, fortel dagleg leiar og medeigar Gustave Brun-Lie i Statt Torsk i halvårsrapporten til selskapet.

Potensielle kunder må lære at oppdrettstorsk er til å stole på nå rdet gjeld berekraftig produksjon, at torsken blir levert som avtalt og at kvaliteten er god.

Les børsmelding her

Det er ikkje til å legge skjul på at å sikre seg meir plass til å auke produksjonen er ein langvarig prosess, men selskapet er overtydd om å lukkast , skriv Brun-Lie.

I første halvår har Statt Torsk henta inn meir eigenkapital, sikra ny lånefinansieringsavtale, funne nytt slakteri, fått ein salsavtale for ein tredjepart av produksjonen dei neste 12 månadene og er i gang med arbeidet for å få nye lokalitetar for å kunne utvide produksjonen.