Når datterselskap som eig skipsverftet Havyard Leirvik ikkje blir medrekna blir driftsinntektene til Eqva - tidligare Havyard Group - redusert frå 579 millionar kroner hittil i år til 472 millionar. Driftsresultatet før av- og nedskrivingar (ebitda) aukar derimot, frå 8,7 til 22,5 millionar kroner.
Eqva har avtalt å selje datterselskapa som eig skipsverftet Havyard Leirvik ved Sognefjorden til tyrkiske Tersan Shipyard for 30 millionar kroner og skrive i kvartalsrapporten at salet gir ein gevinst i høve til bokførte verdier. Gevinsten blir bokført i fjerde kvartal.
Tyngdepunkt i Sunnhordland
Eqva er resultatet av at storparten av verksemda i Havyard Group blei skilt ut og lagt inn i Hav Group, før Hav Group blei børsnotert.
Det som låg att i Havyard Group var i hovudsak skipsverftet ved Sognefjorden, Havyard Leirvik.
I mai 2022 kjøpte Havyard Group alle aksjane i HG Group og blei eigar av BKS Holding og Fossberg Kraft. Mykje av oppgjeret skjedde med aksjar i Havyard Group, slik at seljarane - Tore Thorkildsen, Gudmund Øvrehus, Even Matre Ellingsen og Skarvelandfamilien - blei dei nye storeigarane i Havyard Group - som etterpå skifta namn til Eqva.
Transaksjonen gjorde og at storparten av aktiviteten Eqva-konsernet foregår datterselskap i Sunnhordland og Bergen. Når verftet i Leirvik er seld er det berre hovudkontoret i Fosnavåg der selskapet har tilsette nord for Sognefjorden.
| Eqva ASA | ||
| Pr. 3. kvartal. I mill. kroner | ||
| 2023 | 2022 | |
| Driftsinntekt | 579,2 | 261,6 |
Driftsresultat | 0,5 | -14,8 |
| Resultat før skatt | -21,5 | -39,4 |
Publisert: 15.11.2023 07:30
Sist oppdatert: 15.11.2023 07:33
