Mindre fart mot sommaren

- I år starta det ganske bra, men så har det vore roleg dei siste to månadane. I butikkane rapporterer dei at det er dårlegare sal enn på tilsvarande tid i fjoråret, seier dagleg leiar og medeigar Geir Hoff i møbelprodusenten i Stordal.

Sitwell auka driftsinntektene med ein million kroner frå 2019 til 2020 og veksten heldt fram i 2021 (sjå tabell under).

I år trur Hoff Sitwell vil ende med driftsinntekter omlag som i fjor.

Sitwell har spesialisert seg på møblar for eldre personar, som legg vekt på at møblane skal vere lette å sette seg ned i og reise seg opp frå.

Tidlegare skilde stilen på slike møblar seg frå møblar som yngre møbelkjøparar ville ha. Slik er det ikkje lenger, no er det berre sitte-og brukskomforten som er skilnaden, ifølgje Hoff.

Sitwell har 14 tilsette. Selskapet sel møblane sine gjennom Fagmøbler-kjeden og frittståande forhandlarar.

Selskapet presenterer møblane sine på eiga nettside, men har ikkje eigen netthandel.