Mowi-bod på NTS Group

Mowi (tidlegare Marine Harvest) byr 110 kroner aksjen for konkurrenten NTS Group, melder selskapet i ei børsmelding i dag.

Mowi er allereie dominerande oppdrettselskap på Sunnmøre og i Nordfjord.

Om Mowi får tilslaget på NTS Group vil det først og fremst gjere Mowi større innan oppdrett i Midt- og Nord-Noreg, og på Island.

Servicebåtreiarlag med på kjøpet
NTS Group er også største eigar i børsnoterte Frøy (72,11 prosent), ein av dei større servicebåtreiarlaga for oppdrettesnæringa, med mål om å vere " ledende og foretrukken leverandør av bærekraftige akvaservicetjenester," ifølgje eiga nettside.

Frøy-reiarlaget har avdelingar både i Ålesund, Ulsteinvik og Måløy.

Møre og Romsdal er også heimfylket for to andre store aktørar i servicebåt-bransjen, FSV Group i Molde og og Abyss Group i Kristiansund.

Abyss har tidlegare i år blitt samde med grunnleggarane av Sandsøy Servicebåt om å kjøpe selskapet og innlemme det i Abyss.

Med oppkjøpet av Sandsøy Serviceservicebåt får Abyss Group i Kristiansund ein flåte på 35 ulike typar arbeidsbåtar, med bedrifter i oppdrettsnæringa som viktigaste kundar.

Henta kapital
I samband med at Akva Group sitt selskap AKVA Marine Services fjor vart slått saman med Abyss Group gjekk eit investeringsfond etablert av selskapet Icon Capital inn med 100 millionar kroner i eigenkapital i Abyss Group og vart største eigar. Kapitalutvidinga kan utvidast.

Tidlegare Salmarsjef Leif Inge Nordhammer var aksjonær frå før, og er med på kapitalutvidinga.