Open for å justere lakseskatten

(NPK-NTB-NETT.NO): Utforminga av skjer i Stortinget til våren, og ikkje i budsjettforhandlingar med SV, seier finansminister Trygve Slagsvold Vedum (Sp).

Ifølgje Klassekampen er finansministeren og Sp-leiaren open for å justere på lakseskatten, og han håpar at fleire enn budsjettpartnar SV blir med på det endelege vedtaket.

– Sjølv om det har vore mykje støy no, håpar eg at fleire parti vil bli med på at vi treng ein viss grunnrenteskatt. Jo breiare det blir i Stortinget, jo betre, seier Vedum, som varslar at utforminga av skatten kjem som ein eigen proposisjon i Stortinget til våren.

Parlamentarisk leiar i Sp Marit Arnstad stadfestar også at skattepakken for vindkraft og laksenæring ikkje er ein del av dei ordinære budsjettforhandlingane med SV.

– Det er for tidleg å seie korleis behandlinga i Stortinget blir, fortel ho.

I eit innlegg på NETT NO tysdag drog stortingspolitikar Jenny Klinge (Sp) fram tre område, der ho meiner det er grunn til å vurdere justeringar i forslaget.

I regjeringsforslaget til grunnrenteskatt for havbruksnæringa er den effektive satsen sett til 40 prosent. Skatten skal gjelde produksjon av laks, aure og regnbogeaure. Eit botnfrådrag på 4.000-5.000 tonn skal sikre at berre dei største aktørane må betale.

Regjeringa har foreslått at ordninga skal gjelde frå 1. januar 2023. Den er venta å gi mellom 3,6 og 3,8 milliardar kroner årleg i skatteinntekter, som blir likt fordelt mellom stat og kommunar.

Forslaget er sendt på høyring med frist 3. januar.