Optimisme frå hundreårsjubilant

I år er det 100 år sidan Nils Sperre starta sjømatbedrift på Ellingsøya.

Framleis er det Sperre-familien som er eigarar, og styret meiner det er grunn til å sjå lyst på framtida, ifølgje årsrapporten.

I 2022 vart det eit nytt godt år, med omsetning på 1,2 milliardar kroner og eit resultat før skatt på 56,8 millionar.

I alle år sidan 2014 har driftsinntektene passert milliarden.

(saka held fram etter tabellen)

I tala inngår ikkje 45,3 prosent eigarskap i Fosnavaag Pelagic, der prognosene for 2022 tilseier eit resultat før skatt på 37,4 millionar kroner.

Nils Sperre har vore medeigar i Fosnavåg-selskapet sidan 2013.

75 prosent med ikkje-norsk bakgrunn
Nils Sperre selde pelagisk fisk for 739,1 millionar kroner og saltfisk og kvitfisk for 475,0 millionar i fjor.

615 millionar av salet gjekk til Asia, knappe 120 millionar til det amerikanske kontinentet og 319,8 millionar til Europa. Og Europa auka mest.

Nils Sperre er ein stor arbeidsplass, og sysselsette i fjor 117 årsverk. Heile 75 prosent av dei tilsette har ikkje-norsk bakgrunn.

Nytt fryseri
Selskapet sel ikkje fisk til Russland og Belarus, og er lite påvirka av krigen i Ukraina. Derimot merkar ein at fleire land har sett i verk handelshindringar.

Selskapet har i det siste sett i verk ei rekke miljøtiltak, inkludert bygging av eit nytt stort fryselager. Ein ny bil er også nullutsleppsbil.

Utbyte
Den samla eigenkapitalen er på solide 181,1 millionar kroner, og langsiktig gjeld på 61,3 millionar.

Eigarane fordeler eit utbyte på 8,0 millionar kroner.

Dei er - alle med etternamn Sperre - Geir Peder, Svenn André, Nils Johan, Palmar, Ronny Olav, Odd Arild, Oddbjørn, Harald, André, Harald Olav, Hans-Peter, Tone Rekdal og i tillegg Cecilie Sperre Jørgensen.