Rekordhøg ordreserve for Hav Group

Ordreserven til Hav Group har auka frå 0,6 milliardar kroner i 2. kvartal 2023, til 1,4 milliardar kroner ved utgangen av 2. kvartal i år.

– Første og andre kvartal har vore oppmuntrande perioder der vi har meir enn dobla ordrereserven sidan inngangen av året. Nylege kontraktstildelinger er framleis i oppstartsfasen og har enno ikkje byrja å generere merkbare inntekter eller marginbidrag, seier Gunnar Larsen, konsernsjef i Hav Group.

Les børsmelding her (ekstern lenke)

Både i år og neste år, vil ordreinngangen i år slå ut i auka inntekter for selskapet. Dei held fast på målet om 1,3 milliardar kroner i årleg driftsinntekt innan 2026.

I andre kvartal i 2023 reverserte Hav Group tap på knappe 47 millionar kroner, som er hovudårsaka til den store skilnaden i resultat i fjor og i år (sjå tabell under).

Larsen er nøgd med utviklinga i selskapet sitt driftsresultat før av- og nedskrivingar (ebitda, journ. anm.) - som gjekk i balanse - men ikkje med lønsemda.

– Ebitda-resultatet er ei vesentleg forbetring samanlikna med dei tre føregåande kvartala. Det er tilfredsstillande igjen å kunne levere positive driftstal, men ambisjonane våre er openbert høgare enn dette, seier han i børsmeldinga.

Sjå resultatpresentasjon (ekstern lenke)

artikkelen held fram under tabellen

Skilde ut datterselskap
I november 2020 varsla Havyard Group at dotterselskapa Havyard Hydrogen, Havyard Design & Solutions, Norwegian Electric Systems (NES) og Norwegian Greentech, kunne bli skilt ut og samla i eit eige selskap - og notert på Oslo Børs.

Hav Group blei børsnotert i mars 2021.

Havyard Hydrogen teiknar og set saman anlegg for å bruke hydrogen som drivstoff ombord i skip. Skipsdesignverksemda er samla i Havyard Design & Solutions, Norwegian Electric Systems lagar skipselektrosystem og -design, medan Norwegian Greentech lagar reinseanlegg for ballastvatn.

Det er verksemda til NES som er størst målt i inntekt. Selskapet hadde 113,5 millionar kroner i inntekt andre kvartal i år, og eit resultat før skatt på minus 8,4 million kroner.

Skipsdesignverksemda gav 56,6 millionar kroner i inntekt i kvartalet og eit resultat før skatt på 4,2 millionar kroner.

Reinseanleggverksemda gav 29,3 millionar kroner i driftsinntekt og 2,2 millionar kroner i resultat før skatt.

Hydrogenverksemda hadde 0,6 millionar kroner i driftsinntekt og minus 1,4 millionar kroner i resultat før skatt.

Bakgrunn: