Remøy Group i pluss

Frå og med 2015 var det underskot kvart år fram til 2021 for Remøy Group-konsernet, før det blei nytt minus i 2022.

I 2023 blei det overskot på nytt, og det største overskotet sidan 2014, det året oljeprisen stupte og utløyste ei langvarig krise i offshoremarknaden.

- Marknadsmessig ser det veldig bra, seier dagleg leiar Karl Johan Bakken i Remøy Group-konsernet, der hovedtyngda av verksemda skjer i datterselskapet Remøy Shipping og Rem Stadt.

Offshore og forsvar
Konsernet driv 11 plattformforsyningsskip, der eitt er deleigd og eitt heleigd. I tillegg er eitt fartøy som utleigd til forsvaret og eitt er utleigd til Forsvarets forskningsinstitutt.

Remøy Group-konsernet er eigd av W Holding som i sin tur er eigd 50/50 av selskapa Steinarbo og Stokkanker. Steinarbo er eigd av Joakim Remøy og Daniel Joakim Remøy, Stokkanker av Line Remøy Strømsvik og Helene Remøy.

Lettare finansiering
I fjor gjekk Remøy Group saman med investorar og kjøpte offshorefartøyet Rem Crusader.

Ei viktig årsak til at Remøy Shipping ikkje kjøpte skipet åleine, var dei strengare krava til kva bankane skal låne ut pengar til, drive fram av den såkalla taksonomien til EU og bankane si handtering av den. Det auka kravet til eigenkapital.

No meiner Bakken marknaden for finansiering er i ferd med å endre seg, slik at det ei større grad er råd å få lån hos bankane.

- Mykje av det trur eg er knytt til tryggleikspolitiske omsyn, seier Bakken om årsaka til endringa.