Spår mindre marginar for fiskebåtreiarane

Banksjef Runar Debess i Sparebanken Møre deltok torsdag på fiskerikonferansen The Next Wave. Der tok han mellom anna for seg prisutviklinga på kvitfisk og framtidsutsiktene for næringa.

Han påpeiker at det framleis er ein sterk etterspurnad etter norske sjømatprodukt og stigande priser.

Nedgang dei neste åra
Anslag for årets førstehandsverdi på kvitfisken er på 15,8 milliardar – ei auke på heile 34 prosent samanlikna med i fjor.

– Fangstmessig blir det eit fantastisk år, påpeika Debess.

Lågare kvoter dei næraste åra vil gi lågare inntekter framover.

I 2023 og 2024 ventar banken ein førstehandsverdi på 14,7 og 14,2 milliardar – ei nedgang på høvesvis 7 og 11 prosent samanlikna med 2022.

Båtar og drivstoff kostar meir
Banksjefen peika samtidig på fleire faktorar som vil gjere det mindre lønnsamt for fiskebåtreiarane framover.

• Auke investeringskostnader både for nybygg og brukte båtar
• Drivstoffkostnader aukar i takt med inflasjonen.
• Prisen på bunkers har truleg etablert seg på eit nytt nivå.

I tillegg møter bransjen auka kostnader som følgje av nye krav til berekraft, samtidig som renta stig.

– Resultatmarginane til reiarlaga vil bli redusert som følgje av dette. Men vi kjem frå eit høgt nivå, så det vil framleis vere i ok inntening, la Debess til.