Lutefisk-spesialisten Per Stave as ved Leikanger på Stadlandet skal slakte torsk for det børsnoterte torskeoppdrettselskapet Statt Torsk.
Slakteriet ligg like ved to av Statt Torsk sine oppdrettsanlegg, og inneber at all torsk Statt Torsk leverer til slakting i år og neste år blir slakta på Stadlandet.
Avtalen omfattar slakting og bearbeiding av inntil 3000 tonn oppdrettstorsk i året.
Målet til Statt Torsk er å produsere 12.000 tonn oppdrettstorsk i året i 2024.
Ny slakteline
Monteringa av ei ny slakteline er i anlegget til Per Stave er i full gang, og skal vere klar til bruk i november, ifølgje styreleiar Inge Midtbø i Per Stave as.
Slaktelina har nok kapasitet til å ta unna torsken som skal leverast etter avtalen.
Torsken blir levert med bløggebåt, der torsken blir tatt livet av ombord, på veg til slakteriet. Poenget med bløggebåt ere å redusere stress for fisken, og dermed få ein betre kvalitet på kjøtet, ifølgje Midtbø.
Per Stave har 12 tilsette. i starten kan selskapet handtere torsken med dagens bemanning, men ettertkvart som mengda auka reknar Midtbø med at det blir behov for fleire tilsette.
| Per Stave as | ||
| Tal i mill. kroner | 2020 | 2019 |
| Driftsinntekt | 20,7 | 30,1 |
| Driftsresultat | -1,7 | 1,3 |
| Resultat før skatt | -2,5 | 0,5 |
Publisert: 11.10.2021 13:58
Sist oppdatert: 11.10.2021 13:59
