Vard-oppdrag for Norwegian Greentech

Det er reinseanlegga for ballastvatn til åtte fjernstyrte skip Norwegian Greentech skal levere.

Det er ein av dei største kontraktane selskapet har inngått med eit verft, seier sals- og marknadsdirektør Børge Gjelseth til NETT NO.

Vard skal bygge skipa for "ein ikkje namngitt kunde", ifølgje pressemeldinga frå Norwegian Greentech. Bygging skjer på Vard sitt verft i Vietnam.

Tidlegare i år Norwegian Greentech ein avtale om å levere ballastreinseanlegg til Green Reefers sine 19 skip.

Då sa Gjelseth at eit ballastreinseanlegg kostar mellom 0,6 og 1,5 millionar kroner.

I 2020 inngjekk selskapet sin hittil største avtale, om å installere reinseanlegg i reiarlaget Wilson sine 120 skip.

Norwegian Greentech er frå 1. kvartal i år ein del av børsnoterte Hav Group, som eig 77,2 prosent av selskapet. Resten er eigd av gründerane Håvard, Børge og Terje Gjelseth.