Vil bygge solkraftverk på oppdrettsanlegg

Fem av oppdrettsanlegga til Hofseth Aqua i Storfjorden nærmar seg tida for utskifting. I staden for å hogge dei opp foreslår eit prosjektgruppe å bruke dei som base for flytande solkraftverk.

I dag presenterer gruppa bak ideen resultatet av eit forprosjekt som har kartlagt korleis og om det er grunnlag for å sette ideen ut i livet.

Bak prosjektet står Inseanergy, Hofseth Aqua, Maritime Partner, Doxacom og Norconsult, med støtte frå Møre og Romsdal fylkeskommune.

I samband med forprosjektet er det mellom anna gjort analyser av soltilhøve ved Skjortneset/Fausa og ved Midsund, der selskapet Hofseth Biocare har eit foredlingsanlegg for avskjer og restråstoff frå lakseforedlingsindustrien.

Kortreist kraft

Ei eventuell utbygging av solkraftanlegg på utrangerte oppdrettsanlegg kan vere ei energikjelde som kan redusere behover for utbygging av kraftnettet, og Hofseth Aqua sine oppdrettsanlegg kan vere ein mogleg kunde.

Då Hofseth-konsernet kjøpte Fjordlaks var mellom anna fem store stålmerder på 250 meters lengde og 50 meters breidde med på kjøpet. Det er desse (mellom anna som på hovudbiletet) som snart er mogne for utskifting og som kan bli bygd om til kraftverk med solcellepanel på.

Selskapet Inseanergy som også er partnar i prosjektet har utvikla ein duk spent ut på utrangerte plastmerder med flytande solcellepanel og prosjektet vurderer også ein kombinasjon der også Inseaenergy sin teknologi blir brukt, ved at det også blir lagt plastmerder ved stålkonstruksjonane.

Eit eventuelt neste steg for prosjektet er å vurdere å bruke overskotskraft frå solkraftanlegg til produksjon av hydrogen, til bruk i brenseceller.