Offshorereiarlaget Golden Energy Offshore Services med tre gangar høgare inntekter i 1. kvartal enn same periode i 2022.
Selskapet betra også driftsresultatet (sjå tabell), men ein negativ valutaeffekt og auka rentekostnad gjorde at underskotet før skatt auka.
Etter salet at Energy Scout i starten av 2023 har Golden Offshore Services att tre plattformforsyningsskip; Energy Duchess, Energy Empress og Energy Swan.
| Golden Energy Offshore Services AS | ||
| 1. kvartal. I mil. kroner | 2023 | 2022 |
| Driftsinntekt | 34,0 | 11,6 |
| Driftsresultat | -3,8 | -23,0 |
| Resultat før skatt | -33,0 | -23,6 |
I første kvartal har dei tre skipa vore i arbeid 92,3 prosent av tida, ifølgje kvartalsrapporten til selskapet.
Betre marknad
Golden Energy Offshore Services ventar at marknaden for offshorefartøy skal halde fram med å betre seg, og at både betaling for å leige skipa og skipsverdiar vil stige.
Etter å har refinansiert ein stor del av den renteberande gjelda i 3. kvartal 2022 har Golden Energy Offshore Services eit femårig lån med pant i Energy Empress og Energy Duchess. Første avdrag, på fem millionar dollar, vart betalt i januar.
I 1. kvartal tok selskapet opp eit lån på 4,2 millionar dollar, med eitt års løpetid.
Samla gjeld for selskapet er 431 millionar kroner, der 301 millionar er langsiktig.
Publisert: 22.05.2023 07:00
Sist oppdatert: 22.05.2023 12:10
