Bransje med små marginar

NETTNO-barometeret

Størst er ikkje alltid best. Blant selskapa som lagar garn, nøter, liner, tauverk, presenningar og liknande utstyr for fiske- og oppdrett er det Fiskevegn på Flatraket i Stad kommune som leverer det beste resultatet før skatt i høve til driftsinntektene (resultatmargin). 

Med ein resultatmargin på 11,9 prosent er Fiskevegn også  det einaste selskapet i Nett No si oversikt med over 10 prosent resultatmargin.

Oppkjøp
Mørenot Fishery og Mørenot Aquaculture er i dag ein del av det islandske Hampidjan-konsernet og var tidlegare eigd av eit fond sett opp av FSV Capital, som kjøpte selskapet frå eigarfamiliane på Nordvestlandet i 2018 - med vekst som mål.

Egersund Group hadde under 600 millionar kroner i driftsinntekt i 2012 før ei rekke oppkjøp medverka til at konsernet i fjor hadde nesten fem milliardar kroner i inntekt.

Det familieigde Selstad-konsernet i Måløy har sjølv hatt friararar på døra, men har helle vald å vere den som kjøper andre, i staden for å bli kjøpt sjølv. Resultatet er mellom annaat konsernet i fjor hadde omlag dobbelt så høg inntekt som i 2019.

Fallande inntekter
Samla sett hadde selskapa i Nett No si oversikt inntektsnedgang i fjor.

2024 var eit krevande år med nedgang i fiskekvotane og ei oppdrettsnæring som framleis var tilbakehalden med investeringane, seier dagleg leiar og største aksjonær Hans-Petter Selstad i Selstad Holding i Måløy til Nett No.

Fordelen for denne bransjen er at den lagar utstyr som kundane må ha for å erstatte det som er brukt og utslitt, slik at det er snakk om utsette og ikkje avlyste investeringar. Hillti i år har ordreinngangen vore rekordstor, sa Selstad til Nett No i juli.

Tabellen under gir ikkje eit fullgodt bilete over Mørenot Aquaculture, som har verksemd i fleire land. Resultatet for 2024 er prega av interne omorganiseringar som mellom anna slår ut i redusert inntekt for selskapet, sjølv om det var ein vekst i salet til eksterne kundar. Rekneskapen inkluderer også ei nedskriving på 133,9 millionar kroner på eit datterselskap i Danmark. Rekneskapen omfattar heller ikkje verksemd i utlandet, men berre drifta i Noreg, ifølgje dagleg leiar Thomas Berg Myrvold.