Brems og bekymring for skipsverfta

Ordrenedgangen frå 2024 til 2025 er så stor at bransjeorganisasjonen Norske Skipsverft er bekymra.

Fleire store verft går tom for nybygg i løpet av første halvår 2026, skriv Norske Skipsverft i ei oppsummering av status ved inngangen til 2026.

17 nybyggingskontraktar for til saman 13 milliardar kroner er inngått i 2025, mot 34 kontraktar for 20 milliardar i 2025. Per i dag har norske verft 66 nybygg under bygging, eller i bestilling. For eitt år sidan var det 70 skip, viser Norske Skipsverft si oppsummering.

Snudde til overskot
Etter fleire år i minus gjekk norske skipsverft samla sett med overskot både i 2023 og 2024.

Lønsemda i skipsbygging er likevel framleis beskjeden i høve til verdiane det handlar om, og talet på sysselsette.

I 2024 var resultatmarginen - resultat før skatt i prosent av driftsinntekt - 2,5 prosent i gjennomsnitt. Det er opp frå 1,6 prosent året før.

Etterlyser betre vilkår
I tillegg til å vere uroa over ordreinngangen i år er Norske Skipsverft misnøgd med rammevilkåra for verfta. Organisasjonen meiner regjeringa sin politikk står i kontrast til at det samstundes blir arbeidd aktivt for betre handelsvilkår med store skipsbyggingsnasjonar som India, Brasil og Kina.

• «Regjeringen Støre viser ingen vilje til å komme næringen i møte på det vi først og fremst etterspør; markedsrettede garanti- og finansieringsalternativer.»

og 

• «Staten skal kontrahere inntil 28 standardiserte militære fartøyer - en formidabel og betydningsfull investering - men har ingen virkemiddel for hvordan skipsverftene skal evne garanti- og finansieringsforpliktelsene som følger med en slik enorm bestilling», heiter det i oppsummeringa frå Norske Skipsverft.