Nett No-barometeret:
15 av de 26 verfta i Nett No si resultatoversikt betra resultatet frå 2023 til 2024 - og bransjen samla auka både inntektene og lønsemda.
Lønsemda i skipsbygging er imidlertid framleis beskjeden i høve til verdiane det handlar og talet på sysselsette.
I fjor var resultatmarginen - resultat før skatt i prosent av driftsinntekt - 2,5 prosent i gjennomsnitt. Det er opp frå 1,6 prosent året før.
Sjå resultat-tabell for bransjen under saka
Vegsund på topp
Det mest lønsame verftet var Vegsund Slip i Sula kommune, som hadde ein resultatmargin på 17,5 prosent. Hutigbåtverftet Fjellstrand sin resutlatmargin var 11,5 prosent.
Det er dei einaste verfta med tosifra resultatmargin. I tillegg hadde seks verft ein resultatmargin på over seks prosent, mellom dei Ulstein Verft med 6,4 prosent.
Minusresultat hos Fiskerstrand Verft og Westcon trekte ned i samandraget. Det gjorde også reduksjonen av overskotet til Aas Mek. Verksted.
Hurtigbåtverftet Brødrene Aa gjekk konkurs i vår, og kom aldri dit at 2024-rekneskapen vart levert til Brønnøysundregisteret. Per i dag er det starta ny drift ved selskapet si avdeling i Eikefjord, og inngått ein intensjonsavtale om ny drift også ved hovudanlegget i Hyen.
Oppdrag for sju miliardar kroner
Hittil i år har norske skipsverft offentleggjort 13 nybyggingskontraktar til ein samla verdi på i overkant av sju milliardar kroner, ifølgje bransjeorganisasjonen Norske Skipsverft.
I 2024 var ordreinngangen på 20 milliardar kroner fordelt på 34 fartøy.
Norske Skipsverft registrerer kontraktar på meir ein 50 millioner kroner. Ordreinngangen i år spenner frå ringvaskeflåte ved Sletta Verft, til brønnbåt fra Aas Mek. Verksted. I verdi er fire kontraheringar ved Vard dei desidert største.
Per i dag er ordreboka for dei norske skipsverfta på i overkant av 46 milliardar kroner, fordelt på 63 fartøy.
- Les resultatsaker for fleire verft under tabellen
| Norske skipsverft | ||||||
| Tal i mill.kroner | ||||||
| Selskap | Driftsinntekt | Res.f. skatt | Res.f.skatt i prosent av driftsinntekt | |||
| 2024 | 2023 | 2024 | 2023 | 2024 | ||
| Vard Group | 10237,3 | 5727,0 | 207,1 | -87,9 | 2,0 % | |
| Ulstein Verft | 2759,2 | 1191,2 | 177,2 | 29,7 | 6,4 % | |
| Westcon Yards Ølen | 2262,4 | 1895,8 | -65,5 | 0,4 | -2,9 % | |
| Larsnes Mek. Verksted | 705,2 | 703,4 | 47,7 | 18,9 | 6,8 % | |
| Fitjar Mek. Verksted | 620,6 | 576,1 | 10,2 | 8,5 | 1,6 % | |
| Green Yard Kleven | 552,7 | 275,8 | 13,3 | 10,5 | 2,4 % | |
| Aas. Mek Verksted | 521,8 | 989,4 | 34,6 | 215,7 | 6,6 % | |
| Sletta Verft | 406,2 | 427,2 | -2,5 | 0,8 | -0,6 % | |
| Båtbygg | 377,6 | 334,8 | 23,3 | 13,0 | 6,2 % | |
| Fiskerstrand Verft | 368,3 | 370,0 | -27,2 | 5,7 | -7,4 % | |
| Havyard Leirvik | 294,5 | 134,6 | -14,1 | -24,1 | -4,8 % | |
| Bømlo Skipsservice | 263,9 | 139,1 | 3,7 | -23,1 | 1,4 % | |
| Fjellstrand | 240,3 | 121,7 | 27,7 | 5,5 | 11,5 % | |
| Moen Verft (Moen Marin Service) | 229,0 | 190,8 | -1,3 | 8,3 | -0,6 % | |
| Vegsund Slip | 223,8 | 147,3 | 39,2 | 14,1 | 17,5 % | |
| Salthammer Båtbyggeri | 192,0 | 190,8 | 5,7 | 2,2 | 3,0 % | |
| Stadyard | 184,0 | 177,1 | 7,5 | 3,7 | 4,1 % | |
| Oma Baatbyggeri | 165,4 | 226,1 | 6,3 | 11,3 | 3,8 % | |
| Westcon Yard Florø as | 164,3 | 127,5 | 0,9 | 0,8 | 0,5 % | |
| Vaagland Båtbyggeri | 147,8 | 52,8 | 13,0 | -1,9 | 8,8 % | |
| Solstrand Verft | 82,9 | 76,3 | -1,9 | 4,5 | -2,3 % | |
| Solund Verft | 59,3 | 58,7 | 4,1 | 2,8 | 6,9 % | |
| Måløy Verft | 53,7 | 62,5 | 2,8 | -3,3 | 5,2 % | |
| Viknaslipen | 51,3 | 49,3 | 0,2 | -0,5 | 0,4 % | |
| Brødrene Aa (konkurs) | 465,7 | 5,5 | ||||
| Myklebust Verft* | 420,5 | 22,4 | ||||
| SUM | 21163,5 | 15131,5 | 512,0 | 243,5 | 2,4 % | |
| *Myklebust Verft hadde ikkje offentleg tilgjengleg rekneskap for 2024 ved publisering av denne artikkelen. | ||||||
- Les resultatsaker for verft under
Les også
Publisert: 01.09.2025 15:46
Sist oppdatert: 01.09.2025 16:41
