Børsdagen: Kurskollaps for Atlantic Sapphire

Aksjekursen til Atlantic Sapphire raste vidare nedover tysdag. Då børshandelen var omme hadde aksjekursen falle 33,05 prosent sidan i går og enda på 4,68 prosent.

Det prisar selskapet til 717 millionar kroner.

Mandag var kursfallet 45 prosent.

Dette er kollaps i aksjekursen, etter at selskapet natt til mandag sende ut ei melding om unormal høg dødelegheit for laksen i det landbaserte anlegget ved Miami. Det har mellom anna ført til at ein del fisk er slakta tidlegare planlagt.

I februar 2021 var kursen i Atlantic Sapphire oppe i heile 150 kroner aksjen. Etterpå har det stort sett gått nedover.

Denne artikkelen vart først publisert 12:42 i dag, og er oppdatert etter at børshandelen stengte.

Kraftig kutt i kursmål
Dei to meklarhusa Pareto og Fearnley kuttar begge kursmålet for oppdrettsselskapet kraftig, ifølgje Finansavisen.

Fearnley-analytiker Nils Thommesen kutter kursmålet frå 27 til 4 kroner, medan Carl-Emil Kjølås Johannessen i Pareto barberer målet frå 30 til 8 kroner.

Han fortel til avisa at risikoen har auka voldsomt både opersjonelt og finansielt.

Trur ny eigenkapital blir dyrt
Meklarhusa trur Atlantic Sapphire er nøydde til hente ny eigenkapital og at det kan bli dyrt.

Dei anslår behov for ny kapital på mellom 50 og 150 millionar dollar for å fullføre byggesteg to ved anlegget.

Måndag vart det óg kjent at selskapet står i fare for å ikkje oppfylle eit lånekrav frå DNB om positiv drift i tre samanhengande månader.

Tok pant i huset
Det andre selskapet frå regionen som er involvert i landbasert oppdrett, Salmon Evolution, er ikkje påverka av krakket i Atlantic Sapphire-aksjen. Kursen for Salmon Evolution-aksjen steig svakt både måndag og tysdag.

Tysdag vart det også kjent at skatteetaten 4. oktober tok pant i huset til Atlantic Sapphire-gründer Johan Andreassen i Vestnes.

Skattekravet skal no vere betalt, opplyser Andreassen til Dagens Næringsliv.