Dårleg børsår i nordvest

NETTNO-barometeret

To offshore-reiarlag, eitt verft- og mekanisk industriselskap og eitt slamsuging og industrirenovasjonselskap (i den rekkefølgja, sjå tabell) er dei fire selskapa som har gitt eigarane kursstigning på aksjane hittil i år.

For resten er det kursfall, med det landbaserte oppdrettselskapet Atlantic Sapphire nederste på lista med eit kursfall på 73,87 prosent sidan årsskiftet.

Hovudindeksen har falle 8,21 prosent i år, og dei fleste selskapa med kursfall på NETTNO si liste har falle over 20 prosent i verdi eller meir.

Svakare lønsemd
Halvårsrapportane for 1. halvår til børsnoterte selskap og selskap med med børsnoterte lån viser oppsving i driftsinntektene, men svakare lønsemd.

Resultatmarginen for bedriftene i tabellen under artikkelen gjekk ned frå 9,3 til 5,8 prosent frå 1. halvår 2021 til 1. halvår 2022. Resultatmarginen er resultat før skatt i prosent av driftsinntektene.

Resultatoversikt og bransjesaker under saka

Ti selskap hadde minusresultat i første halvår.

Den svekka lønsemda for selskapa samla sett kan i stor grad forklarast med nykomaren Havila Kystruten, som i år har lagt fram sin første halvårsrapport.

Resultatet før skatt for Havila Kystruten blei minus 233,8 millionar kroner, medan Havila Shipping hadde den største resultatforbetringa målt i kroner, frå minus 111,6 til pluss 17,4 millionar kroner.

Artikkelen blir oppdatert

2021 blei ein opptur for næringslivet på Nordvestlandet, som NETT NO har skrive i ein artikkel tidlegare i haust.

Inntektene til bedriftene i regionen steig over 17 prosent fra 2020 til 2021 - og resultatet før skatt steig over 30 prosent.

Bedriftene på Nordvestlandet enda med en resultatmargin på 8,2 prosent viser ei resultatoversikt selskapet Bisnode har laga på oppdrag for NETT NO.

Oversikta omfattar over 3000 bedrifter med over fem millionar kroner i driftsinntekter i kommunene i Nordfjord (medregnet den delen av Kinn som var Vågsøy kommune), alle kommunene på Sunnmøre og Molde, Rauma og Vestnes i tillegg.