Første store kontrakt på ny gangveg

Ulmatec Handling Systems skal levere en 32 meter høg bevegelseskompensert gangveg til eit serviceskip som skal betene vindparkar til havs.

– Dette er vår første store kontrakt for en gangveg og styrker vår innsats i marknaden, uttaler kommersiell direktør for Ulmatec Handling Systems, Bjørnar Huse.

Verdien på oppdraget blir ikkje opplyst.

Blir bygd for mangeårig Ulstein-partnar
Kontrakta er med det amerikanske selskapet Eco Group - Edison Chouest Offshore - av mange kjend som mangeårig partner med Ulstein-familien.

Det nær 90 meter lange skipet skal byggast i USA og vil bli bemanna av kring 60 teknikarar om bord. Ved å nytte gangvegen frå Ulmatec vil dei kunne ta seg trygt og effektivt frå fartøyet over på installasjonar til havs.

Ulmatec-konsernet har nytta store ressursar og investert mykje i å bli mellom dei store leverandørane av slike gangvegar til bruk offshore.

– Ein avgjerande del av utstyret til fartøyet
Med ein 12 meter lang teleskopfunksjon, integrert heis, pidestall og automatiserte laste og lossefunksjonar, skal Ulmatec-gangvegen også vere med å gjere operasjonane på ein trygg måte.

– Dette er ein avgjerande del av utstyret til fartøyet og ein av hovudføresetnadene for å utføre serviceoperasjonar utan opphald, legg Huse til.

Kontrakten til Ulmatec Handling Systems-selskapet vil også innehalde utstyr frå andre lokale leverandørar.