Gjennombrot for MMC First Process

I 2021 inngjekk MMC First Process og islandske Marel ein samarbeidsavtale for å utvikle ein fabrikk som kunne ta heil makrell inn i den eine enden og levere ferdig pakka produkt for forbrukarar og storhushaldningar ut i den andre.

Noe er den første kontrakten signert.

- Eit gjennombrot, seier kommunikasjonssjef Per Helge Devold i MMC First Process.

Han vil ikkje talfeste kontrakten, men seier den er den største MMC First Process har inngått med ei pelagiske industribedrift på fleire år.

Klar til hausten
Det er irske Ward Fish Group som er kunden og anlegget skal vere klart til bruk allereie til hausten i år.

Det er MMC First Process som er systemintegrator og er kontraktsmotpart med det irske fiskeindustriselskapet, med Marel som underleverandør.

Dei to selskapa er også konkurrentar, men for denne type anlegg er planen å samarbeide vidare og håpet at det første anlegget skal gjere at også andre fiskeindustribedrifter vil investere i slike anlegg.

Meir foredling i Noreg
I 2019 sa teknisk direktør Arnt-Ove Kolås i fiskeindustriselskapet Pelagia at vi var to-tre år unna å drive med storstilt makrellfiletproduksjon i Noreg.

Utgangspunktet i Kolås si vurdering var arbeidet i prosjektet "Pelagisk løft", som involverte blant andre utstyrsleverandørane MMC First Process og Optimar, i tillegg til Pelagia og fleire andre fiskeindustribedrifter og med finansiering frå Fiskeri og havbruksnæringens forskningsfond.

Filetering i Noreg sparar næringa transportkostnader ved at berre filetane blir sendt ut av landet. Samtidig kan restråstoffet bearbeidast her i landet.

Utviklingsprosjektet "Pelagisk løft" blei starta i 2015, med mål om at 25 prosent av makrellen som går til Asia bli filetert i Norge i 2020.

2020-målet blir ikkje nådd, sa Kolås i 2019, men meinte det berre er snakk om ei forseinking, og at målet kan bli nådd i 2025.