Hofseth-tap etter koronasmitte

I alt 37 personar hadde seint torsdag testa positivt på koronasmitte etter eit utbrot ved fiskeforedlingsbedrifta Hofseth i Vanylven.

Kommunen ventar også svar på 18 nye prøver fredag føremiddag.

– Enorme kostnadar
Dagleg leiar Roger Hofseth i Hofseth Syvde fortel til Sunnmørsposten at dei har følgd strengare reglar enn styresmaktene har krav om og at mange dei smitte er fullvaksinerte.

Kring ein tredel av dei tilsette er sett ut av spill som følgje av utbrotet, som dermed råkar produksjonen. Hofseth reknar med milliontap.

– Fabrikken går seks til sju dagar i veka med eit og eit halvt skift, så det er klart det er enorme kostnadar i dette, seier han avisa.

Avdekka tysdag
Utbrotet blei avdekka tysdag ettermiddag, og ein mistenkte raskt at det kunne vere fleire smitta, fordi tilsette var gått heim med luftvegsinfeksjon.

I dagane etterpå er det organisert testing av tilsette.

– Vi ber om at alle i lokalmiljøet er ekstra obs på symptom, påpeiker kommunen i ei statusoppdatering på heimesida si.