Kabelskip segla frå Ulstein spekka med lokalt utstyr

Søndag kveld la kabelskipet Nexans Aurora frå kai ved Ulstein Verft og sette kursen for hovudkvarteret til konsernet ved Halden.

AIS-sporinga viste at destinasjonen var Fredrikstad då skipet segla ut Brosundet , men Nexans har tidlegare opplyst at skipet skal til hovudkvarteret der dei har eit kompetansesenter for undersjøiske høgspentkablar.

Kring 30 leverandørar frå regionen
Det nær 150 meter lange skipet har utstyr frå ein lang rekke leverandørar frå Nordvestlandet om bord. Kring 30 selskap med adresse i regionen har hatt arbeid som følgje av oppdraget, ifølgje ei oversikt frå Ulstein Group i fjor sommar.

Sidan har det kome fleire til – som Rovde Møbel & Design, som i fjor haust fekk jobben med å innreie nybygget.

Marineavdelinga til ABB har levert hovudbrytartavla medan Kongsberg Maritime har levert systemet for dynamisk posisjonering.

Om bord finn vi også ein rekke andre produkt frå lokalemiljøet kring verftet, som bysse frå Mare Safety, lys frå Luminell og ikkje minst et skipet designa av Skipsteknisk i Ålesund.

Nominert til årets skip
Nexans Aurora blei døypt førre veke, same dag som verftet sjøsette det neste skipet som skal leverast, eit ekspedisjonscruiseskip til Lindblad.

Fredag blei det også kjent at begge desse skipa er nominert til Årets Skip i den årlege kåringa til Skipsrevyen.

Sjå bildeserie frå prøveturen

Kabelskipet har vorte utrusta ved Ulstein Verft etter at skroget er bygd ved det polske Crist-verftet. Det 149,9 meter lange skipet er eit av dei største verftet har levert nokon gong, etter at det kroatiske verftet som først blei valt, fekk økonomiske problem.

(saka held fram under)

Les meir om skipet:

Sjå video om korleis skipet fungerer: