To av tre frå Ulstein

Både National Geographic Resolution og Nexans Aurora frå Ulstein Verft er nominerte til Årets Skip, saman med hydrogenferja Hydra frå Westcon Ølen.

Det kjem fram i ei pressemelding frå Skipsrevyen, som står bak kåringa.

Ekspedisjonscruiseskipet National Geographic Resolution blei sjøsett ved Ulstein denne veka, og skal leverast til Lindblad Expeditions i løpet av året.

Nexans Aurora ble døypt same dag, etter at kabelskipet nyleg blei overlevert frå verftet.

Les meir om skipa:

MF «Hydra» er verdas første hydrogendrivne ferje og blir bygd av Westcon Ølen. Minst halvparten av energibehovet skal bli dekt med hydrogen ved ferja som har kapasitet til å ta 299 passasjerar og 80 personbilar.

Reiarlaget Norled skal sette inn ferja på sambandet Hjelmeland – Skipavik – Nesvik i Rogaland i løpet av året.

I fjor blei brønnbåten Ro Vision kåra til årets skip, i konkurranse med konteinerskipet Yara Birkeland og Røkke-skipet Rev Ocean.