Koronatrøbbel for tannfisk-fisket

Ervik Havfiske Holding morselskapet i Ervik-konsernet, som er eitt av dei største fiskeriselskapa i Noreg i tillegg til å vere engasjert i hotell, industri og handel heime på Stadlandet.

Selskapet driv mellom anna fiske etter tannfisk i Sørishavet. Der bremsa koronarestriksjonar kor mykje det kunne fiskast i fjor, seier konsernsjef Stig Ervik til NETT NO. Det, saman med ein stor salsgevinst på fartøy løfta inntekta i 2020, medverka til a driftsinntektene til Ervik Havfiske Holding-konsernet vart mindre i i 2021 enn i 2020.

Ervik Havfiske Holding eig, leiger ut og driv fiskefartøy til fisket i Sørishavet gjennom datterselskapet Ervik Ocean. Leigeinntektene er faste, men mangagementhonoraret varierer med fisket.

Oppsving i Noreg
Medan Ervik Ocean er eigd direkte av holdingselskapet på toppen av konsernet, er storparten av resten av verksemda samla i underkonsernet Ervik Havfiske, som mellom anna står for fiskeriverksemda i Noreg.

Der svinga både driftsinntekter og lønsemd oppover i fjor (sjå tabell).

Generasjonsskifte
Ervik-konsernet har dei siste åra arbeidd med eit generasjonsskifte.

Tremenningane Stig og Kjell Magne Ervik, som sidan 80-talet har bygd opp konsernet til det det er i dag, eig no saman med sine etterkomarar Ervik Havfiske Holding 50/50 gjennom kvar sine investeringselskap.

Selskapet planlegg vidare vekst, og har mellom anna etablert eigen sjømatdivisjon for å vere involvert i verdikjeda heilt fram til butikkleddet.

Under Nor Fishing seinare i august skal selskapet viser fram meir om si hittil største investering, planar om eit nybygg som først vart presenter for elever i Måløy tidlegare i år.