Langtidskontrakt for Rem Offshore

Rem Offshore sitt nye serviceskip for vindkraftanlegg til havs er leigd ut for to år frå andre kvartal 2024.

Det skriv Rem Offshore i ei pressemelding.

Skipet skal arbeide på Sofia Offshore Wind Farm på Doggerbanken i Nordsjøen.

Rem Offshore inngjekk i august 2021 avtale med Vard om å byggje to 85 meter lange og 19,5 meter breie spesialskip for offshore vind. Denne kontrakten hadde samla verdi på rundt 100 millionar euro, og det er i tillegg opsjonar på to til skip.

Første skroget skal byggjast ved Vard sitt verft i rumenske Braila, medan skroget til skip nummer to skal byggjast ved Vard-verftet Vung Tau i Vietnam. Det første skipet skal leverast frå Vard Søviknes i mai i år. Det er det som no er leigd ut på to-årskontrakt.