Ny cruiserekord på Nordfjordeid

Cruiseskipet Mein Schiff III med 2000 passasjeraer har dratt i gang cruisesesongen med på årets andre besøk på Nordfjordeid denne veka. Båten lå ved kai på Nordfjordeid frå morgon til kveld mandag 7. mars.

I alt 77 cruiseskipsbesøk er reservert i år, seier hamnesjef Arild Åshammer i Nordfjord Serviceterminal.

For neste år er det per i dag reservert omlag 85 cruiseskipsbesøk.

Raskt vekst
Nordfjordeid hadde sitt første cruiseskipsbesøk i 2019. Då kom 19 skip på besøk og la til ved flytekaia som passasjerarene brukar til å gå i land. Deretter kom koronapandemien, og korkje i 2020 eller 2021 kom det cruseskip på besøk.

I fjor kom 50 skip. Den første reservasjonen for plass ved cruiseskipskaia i 2026 kom i går, og Åshammmer trur veksten vil halde fram også etter 2024.

Startpunkt
Ein av årsakene til at det er satsa på å gjere Nordfjordeid til cruisehamn er at den kan vere eit utgangspunkt for sightseeingsturar både innover og utover i fjorden, og også over til Hellesylt der turistane kan ta ein båttur på Geirangerfjorden.

Om det ikkje er plass til cruisebåtar i Geiranger eller i Olden kan turistane få oppleve dei områda med utgangspunkt på Nordfjordeid.