Sande blir litt mindre skatteparadisisk

Hausten 2022 vedtok Sande kommune å redusere formuesskatten. 

Målet var å trekke til seg folk som har godt med pengar. Sølvtrans-grunnleggar og medeigar Roger Halsebakk - som er frå Sandsøya - og ektefellen, melde flytting nesten med det same vedtaket vart gjort.

– Eg meiner dette er ein genistrek av kommunen, og vil nytte høvet til å rose kommunedirektøren, ordføraren og Høgre for jobben som ligg til grunn for vedtaket om å setje ned formuesskatten, sa Halsebakk til Vestlandsnytt då.

No vil regjeringa redusere kva du kan spare i formuesskatt om du flyttar til Sande.

– Det er litt sånn det er, dei overstyrer oss, seier ordførar Dag Vaagen (H) i Sande til Nett No om framlegget.

Tek en bit av kaka
I dag kan kommunene ta inntil 0,7 prosent formuesskatt - og kan om dei vil redusere formuesskatten. 

Det vedtok Sande kommune å gjere i 2022, slik at den kommunale formuesskatten no berre er 0,2 prosent.

I statsbudsjettframlegget for 2025 skriv regjeringa at den vil kutte den kommunale formuesskatten til 0,525 prosent. Skilnaden, 0,175 prosent, skal gå til staten i staden.

Det betyr at kuttet i formuesskatt som Sande kommune vedtok i 2022, får tilsvarande mindre effekt. For staten gir ingen rabatt i formuesskatt til Halsebakk og andre som bur i Sande.

Kommunene skal få kompensert med auke i andre skatteinntekter, ifølgje framlegget - men det kjem altså ikkje skattebetalarar som betalar formuesskatt til gode.

Har ikkje vurdert nye skattekutt
Om framlegget blir vedtatt må Sande kommune kutte sin formuesskatt ytterlegare, til 1,825 prosent, for å få same effekt for skattebetalarane.

Sande-ordførar Vaagen seier kommmune alt i alt fekk auka skatteinntekt i 2023 etter vedtaket året før. 

Han seier det har kome signal om at ei endring ville bli føreslått. Per i dag er det ikkje vurdert om kommunen skal vedta ytterlegare skattekutt.

Meir om forslaget til statsbudsjett: