Sat att med over kvar tredje krone i overskot

Sølvtrans Rederi er det største og viktigaste selskapet i Sølvtrans-konsernet, som eig og driv brønnbåtar i Noreg, Shetland, Skottland, vestkysten av Nord-Amerika, Island, Chile og Australia.

I fjor fekk Sølvtrans Rederi eit resultat før skatt som tilsvarar over 35 prosent av driftsinntektene (sjå tabell).

Sølvtrans har hovudkontor i Ålesund. Konkurrenten Rostein har hovedkontor på Harøya og dei to er dei største brønnbåtselskapa i Noreg. Brønnbåtar fraktar levande fisk til og frå oppdrettsanlegg og blir også brukt til mellom anna avlusing av oppdrettsfisk.

Nybygging
Tidlegare i år vart søsterselskapet Dess Aquaculture slått saman med Sølvtrans til eitt selskap.

Då sa Sølvtrans-sjef og medeigar Roger Halsebakk at Sølvtrans skal halde på filosofien om å bygge i Norge – og helst lokalt.

– Ja, vi køyrer sånn som vi har lagt ein plan om å gjere. Den kontraheringa som skjer vil ikkje vere i regi av Dess – men av Sølvtrans, sa han.

Når reiarlaget er ferdig med nybyggingsprogrammet på 20 nye båtar – vil flåten totalt vere på om lag 55 båtar.

Konsernreknskapet til Sølvtranskonsernet er å finne i selskapet Astrix Topco 1 as (sjå tabell).

Astrix Topco 1 as er eigd av det investeringselskapet Antin Infrastructure Luxembourg III 9 SARL, som i sin tur eig 82 prosent av aksjane i datterselskapet Astrix Holdco as. Under Astrix Holdco ligg resten av selskapa i Sølvtrans-konsernet. Halsebakk-familien eig 15 prosent av aksjane i Astrix Holdco, Anders Hvide og Cathrine Advocaat Hvide eig tre prosent.