Slutt for Sparebank1 Søre Sunnmøre

Samanslåinga av Sparebank1 SMN og Sparebank1 Søre Sunnmølre er registrert i Foretakregisteret frå og med i dag, melder Sparebank1 SMN i ei børsmelding.

Sommaren 2022 varsla dei to bankane at styra tilrådde samanslåing, med Sparebank1 SMN som overtakande bank.

Dei formelle forhandlingane enda med ja til samanslåinga i dei øverste organa begge bankane, og no er samanslåinga eit faktum.

Sparebankstiftinga Søre Sunnmøre, som er oppretta som ein del av avtalen, er også registrert i foretaksregisterert.

Stiftinga får 12.971.224 eigenkapitalbevis i Sparebank1 SMN som ein del av avtalen. Det utgjer 8,99 prosent eigarandel i Sparebank1 SMN. Stiftinga skal mellom anna dele ut midlar til almennnyttige formål i tidlegare Sparebank1 Søre Sunnmøre sitt område.