Warholm-selskap tok nye sprang

Karsten Warholm sitt selskap Sunn Vekst haldt fram veksten i fjor med ei auke både inntekter og overskot.

Rekneskapet for 2022 viser at inntektene auka betydeleg i fjor. Det gjorde også resultat før skatt som enda på knappe 2,9 millionar kroner (sjå tabell under).

Familiebedrift
Firmaet Sunn Vekst er på fleire vis ei familiebedrift der Kristine Haddal – mora til Karsten – er dagleg leiar. Karsten Warholm eig alle aksjane.

Ulstein-selskapet har tre årsverk, Karstein sjølv, mora Kristina og trenar Leif Olav Alnes.

Ulsteinvikaren har ikkje teke utbytte frå selskapet, som blei starta i 2018. Ved utløpet av fjoråret hadde selskapet ein eigenkapital på drygt 4,6 millionar kroner og ingen langsiktig gjeld.

Har fleire inntektskjelder
Langt nær heile økonomien og inntektene til Warholm kjem fram i Sunn Vekst-selskapet.

Friidrettsutøvaren får inntekter både frå ulike utstyrsavtaler, sponsoravtaler, inntekter frå friidrettsforbundet og Olympiatoppen. I tillegg kjem bonusavtalar og startpengar frå ulike arrangørar.

Warholms store mål denne sesongen er VM i Budapest i august. Neste år skal han forsvare OL-gullet under leikane i Paris.