![Marit Reitan foto Sissel Basso](/imager/images/2165976/Marit-Reitan_fotoSisselBasso_859d8f71e51cdcc79197ecd3648d156c.webp)
Avlyser tilbod i Ålesund på grunn av studentmangel
Stor nedgang i internasjonale studentar til NTNU og Høgskulen i Volda.
NTNU i Ålesund har avlyst fleire studietilbod neste skuleår. Grunnen er mangel på søkjarar fordi det er blitt færre studentar frå utlandet.
I fjor bestemte regjeringa seg for å pålegge høgskular og universitet å innføre ei studieavgift for studentar utanfor EØS og Sveits frå haustsemesteret 2023.
Dei høgaste avgiftene for ein toårig master ligg på nesten ein million kroner.
Effekten er tydeleg: Mange færre studentar frå utlandet vil studere i Noreg.
På NTNU har studentar frå utanfor EU, EØS og Sveits hatt ein nedgang på nærare 80 prosent.
![HVO rektorteam Foto Lene Mo Flataker 9 1](/imager/images/2165644/HVO_rektorteam_Foto_LeneMoFlataker-9-1_452393f9122041e91205caa465b1472b.webp)
Skuldar på studieavgifta
Berre 49 studentar frå utanfor EU, EØS og Sveits startar på NTNU i år. Det er ein nedgang på 183 studentar frå fjoråret.
– Vi kan ikkje sjå nokon andre sannsynlege forklaringar på nedgangen utover det som har med studieavgifta å gjere, seier prorektor Marit Reitan.
I fjor kunne NTNU tilby 54 internasjonale masterprogram for søkarar frå utanfor dette området. I år kan dei berre tilby 31.
Reiten fortel at utdanning av internasjonale studentar er viktig for norsk nærings- og arbeidsliv.
– Tilgang på internasjonal kompetanse og nettverksbygginga som skjer på tvers av land og kontinenter er uvurderleg. Det har på alle måtar vore ein vinn-vinn-situasjon. No blir mangfoldet mindre, og det er noko vi alle taper på.
(saka held fram under)
Desse internasjonale masterprogramma vil ikkje ha opptak for komande studieår (0-opptak):
MPHFENG | English Linguistics and Language Acquisition (Master's Programme) | Trondheim | 2-årig internasjonal master | 0 | |
840MD | Master of Science - Product and System Engineering | Ålesund | 2-årig internasjonal master | 0 | |
850MD | Master of Science in Naval Architecture | Ålesund | 2-årig internasjonal master | 0 | |
845ME | Master of Science - Product and Systems Engineering | Ålesund | 2-årig internasjonal master, erfaringsbasert | 0 | |
850ME | Master of Science in Naval Architecture | Ålesund | 2-årig internasjonal master, erfaringsbasert | 0 | |
MSGEOS | Geovitenskap og -ressurser (masterstudium) | Petroleum Engineering | Trondheim | 2-årig internasjonal master | 0 |
MSGEOS | Geovitenskap og -ressurser (masterstudium) | Applied Geoscience | Trondheim | 2-årig internasjonal master | 0 |
MSGEOS | Geovitenskap og -ressurser (masterstudium) | Mineral Resource Engineering | Trondheim | 2-årig internasjonal master | 0 |
MSPUHE | Global Health | Trondheim | 2-årig internasjonal master | 0 |
Går utover miljøet i Volda
– På den internasjonale masteren vår for mediefag er det bekymringsfullt. Vi har brukt å ha minst seks studentar frå utanfor EU her, men no er det berre ein, seier rektor ved Høgskulen i Volda, Odd Helge Mjellem Tonheim.
– Dette handlar om studentmiljøet i Volda. Vi mistar personar som bidreg mykje både gjennom fag og kulturutveksling, rektor ved Høgskulen i Volda.
Høgskulen taper også pengar på studentar som ikkje kjem. Dei blei trekt i midlar i Statsbudsjettet, og dei kjem til å få mindre att gjennom studiepoeng.
– No har regjeringa foreslått ei stipendordning som først og fremst er retta mot ein del land i Afrika. Det er positivt, men slik vi vurderer det vil ikkje dette treffe oss.
På sikt trur han at avgifta vil svekke omdømet til Høgskulen i Volda i utlandet.
Publisert: 28.11.2023 15:19
Sist oppdatert: 28.11.2023 22:06