Brennestart for Ulstein-designa skip

Nederlandske Acta Marine skreiv i fjor kontrakt med Tersan Shipyard i Tyrkia om bygging av to konstruksjonsstøtteskip til vindkraftbransjen.

No er det markert brennestart for det første av fartøya ved verftet. Begge skiap skal vere klare for operasjon i andre kvartal 2024, ifølgje ei pressemelding.

Skipa blir 89,9 meter lange og 19,2 meter breie, med plass til 135 personar og er teikna av Ulstein Grup sitt datterselskap Ulstein Design & Solutions.

Designet har typenamnet SX216, og er skip som populært sagt har baug i kvar ende. Fartøya blir utstyrt med kombinerte metanol-/dieselgeneratorar.

Ulstein Group har tidlegare både teikna og bygd to konstruksjonsstøttefartøy ved eige verft for det nederlandske reiarlaget.