Kongsberg-kontrakt på Olympic-skip

Kongsberg Maritime har sikra seg kontrakt på levering av thrustere og teknologi om bord på to vindskip Olympic-reiarlaget skal bygge.

Verdien på kontrakta er på kring 64 millionar kroner, ifølgje ei pressemelding onsdag.

Thrustarar utvikla i Ulsteinvik
Leveransen består av fire «azimuthing» thrustere av typen US 205 PM L FP L-drive, som skal installerast framme og bak på skipa.

Dei magnet-drivne PM-thrustarane er utvikla ved anlegget til Kongsberg i Ulsteinvik og gir mindre støy om bord, samtidig som dei er meir effektive.

I tillegg skal Kongsberg-selskapet levere ei integrert teknologiløysing som inneheld dynamisk posisjonering, navigasjons- og kontrollsystem til skipa.

Kan segle like godt bakover, som framover
Olympic-reiarlaget der Stig Remøy er storeigar, har planar om å bygge opptil fire systerskip til bruk i vindkraftmarknaden.

Designtypen som er valt, Twin X-Stern, frå Ulstein Design & Solutions, er ei vidareutvikling av X-Bow-en, med den bakovervende designen både i baugen og akter.

– Dei fire identiske US-thrustarane med vår avanserte «Windfarm PD»-funksjon, muleggjer manøvering i høg fart både framover og bakover. Det reduserer tids- og energibehovet for transiten mellom turbinene, forteller Bård Bjørløw som leiar sals- og marknadsarbeidet i Kongsberg Maritime, i meldinga.