Næringslivet «særs fornøgd» med eksportsatsing

Erfaringane med eksportprogrammet Skaparkraft har vore god, ifølge ein statusrapport for prosjektet.

Fylkespolitikarane i Møre og Romsdal bestemte seg i fjor for å sette av 15 millionar kroner årleg for å støtte eksportnæringane. No er dei første pengane gitt til mellom anna Ikuben, Sintef i Ålesund og ÅKP/Digicat - og fleire søknader er under behandling.

Sjå liste over kven som har fått støtte under

Største eksportsatsinga nokon gong
Satsinga er den største fylkeskommunen har gjort på området, som naturleg nok har bakgrunn i Møre og Romsdal si sterke posisjon som eksportfylke.

– Målgruppene er særs fornøgd med at fylkeskommunen har fått i gang Skaparkraft, heiter det i statusrapporten som ligg ved som referatsak for Kultur, næring og helseutvalet sitt møte fredag.

Tildelt 11,7 millionar
Tildelingane skjer gjennom fire delprogram: Grøne industrielle løft, smart teknologi, fornybar energi - og kompetanse i og for næringslivet.

Ved inngangen til november var 11,7 millionar kroner av ramma på 15 millionar løyvd. Det er venta at fleire søknader kjem før årsskiftet, og at pengane blir brukt opp.

Sjå liste over kven som har fått støtte under

Ber om at programmet ikkje blir nedprioritert
Fylkesøkonomien er pressa, men i rapporten til politikarane blir det påpeika at det er «essensielt for utviklinga av næringslivet at dei årlege rammene i Skaparkraftprogrammet ikkje vert omprioritert og nedjustert».

– Fleire roser fylkeskommunen for aktiv haldning og evne og vilje til å handle i form av klare prioriteringar og konkret støtte til prosjekt, heiter det i statsusrapporten.

Bedrifter som Brunvoll, Arctic Bioscience og Wattn er mellom dei som er med i referansegruppa for programmet.

Sjå liste over kven som har fått støtte under