Jørund Ringset 1
OPPSVING: Dei siste åra har både inntektene og lønsemda auka for Trollbryggeriet. Dagleg leiar Jørund Ringset eig selskapet saman med Kjartan Lid, og dei var dei første som satsa på Nordvestlandet i det små lokale bryggeri vart populære. Foto: Ogne Øyehaug
Nytt

Rekordår for Trollbryggeriet

Bryggeriet i Liabygda auka inntektene i koronaåra.

20.05.2022

Frå starten i 2011 auka Trollbryggeriet driftsinntektene til 3,1 millionar krone i 2014.

Deretter flata vekstkurva ut, og først i 2020 passerte selskapet driftsinntektene frå 2014. I fjor blei dei ytterlegare vekst og etter minusresultat i 2016-2019 har Trollbryggeriet gått i pluss dei to siste åra (sjå tabell).

Tøffare konkurranse
Trollbryggeriet var først ute blant dagens små bryggeri på Nordvestlandet, men etterkvart kasta fleire seg på øl-bølgja, og konkurransen blei tøffare.

Undervegs har det vore avskallingar i bransjen, men også nyetableringar - som Kaab Bryggeri i Langevåg (sjå tabell).

Dagleg leiar og medeigar Jørund Ringset sa til NETT NO i 2017 at selskapet merka at det var blitt meir krevjande å få innpass i butikkhyllene, både på grunn av fleire lokale konkurrentar og på grunn av konkurransen frå nye bryggeri generelt.

- For nokre år sidan sto dei berre og jaga oss inn, seier Ringset om responsen i butikkane.

Satsa på selskap
Jørund Ringset (29,8 %) eig Trollbryggeriet saman med Kjartan Lid (70,2 %).

Deira svar på konkurransen var mellom anna å investere i Trollstova, eit selskapslokale i andre etasje i bygget som også husar bryggeriet, for å få fleire bein å stå på og mellom anna fange opp turisttrafikken.

Trollbryggeriet as
Tal i mill. kroner20212020
Driftsinntekt3,83,4
Driftsresultat0,50,4
Resultat før skatt0,30,2
Kaab Bryggeri as
Tal i mill. kroner20212020
Driftsinntekt1,30,2
Driftsresultat0,4-0,1
Resultat før skatt0,4-0,1

Les også

Publisert: 20.05.2022 08:30

Sist oppdatert: 27.05.2022 09:29

Mer om