Eitt steg vidare med psoriasismedisin

Selskapet Arctic Bioscience melder tysdag at dei har fått ei godkjenning frå European Medicines Agency (EMA) for ein plan for å utvikle legemiddel mot hudsjukdommen psoriasis.

Godkjenninga kjem etter ei positiv uttale frå Paediatric Committee (Europeisk komite for barnesjukdomar, journ. anm.) om planen som innebærer å utvikle legemiddelkandidaten for bruk av barn.

Ei slik godkjenning som no er på plass, er nødvendig for at selskapet skal få utvikle eit endeleg godkjent legemiddel.

– Viktig milepåle

Det er silderogn som er utgangspunktet for utvikling av medisinen no skal bli testa i ein større studie. Arctic Bioscience Christer Valderhaug seier i meldinga at selskapet no førebur denne studien.

– Eg er glad for at teamet vårt har bevist sin kapasitet ved å nå ein slik viktig milepåle, uttaler han i børsmeldinga.

Ørsta-selskapet si satsinga på legemiddelmarknaden inkluderer også utvikling av eit produkt som kan betre hjerneutvikling hos tidlegfødde.

Bygger fabrikk i Hovdebygda
Inntil ei eventuell godkjenning av legemidddelprodukta er på plass, er det helsekostprodukt basert på silderogn som er inntektskjelda til selskapet.

I fjor haust markerer Arctic Bioscience byggestart for ein ny fabrikk til 200 milllionar kroner i Hovdebygda i Ørsta.Den skal kunne produsere både helsekostprodukt og legemiddel.

Dei reknar med å starte produksjon i den nye lokala mot slutten av 2023. Når fabrikken er oppe og går for fullt, reknar selskapet med å ha opptil 40 tilsette. Det vil i tilfelle bety ei dobling frå dagens bemanning.