Berre fire børsselskap i pluss

Industri- og ingeniørselskapet Endúr meir enn dobla inntektene i årets ni første månadar samanlikna med same periode i fjor. Selskapet, som også omfattar Ålesund-selskapet Artec Aqua Vaq, går med overskot og betra også lønsemda (sjå tabell under).

Endúr er eitt av fire børsnotere selskap med adresse eller tett tilknytning til Nordvestlandet, som kunne legge fram plussresultat i årets ni første månadar. Også Havila Shipping gjekk med overskot, i tillegg til bankane Sparebanken Møre og Tinde Sparebank,

Målt i driftsinntekt er Endúr no det klart største av dei børsnoterte selskapa på Nordvestlandet.

Inntekstssvikt og milliardunderskot
På same tid i fjor var Hexagon Composites størst, men har i år opplevde ein svikt i marknaden for selskapet sin tankar - og system for bruk av natur- og biogass som energikjelde. 

Hexagon Composites er også største eigar i Hexagon Purus, som som lagar tankar og system for bruk av hydrogen som energiberar. 

Også Hexagon Purus har hatt ein kraftig inntektssvikt og begge selskapa har milliardunderskot  i årets ni første månadar. 

83 prosent fall
Den negative utvikling for dei to Hexagon-selskapa har medverka til at dei er selskapa på Nordvestlandet med størst fall i aksjekursen hittil i år. For Hexagon Composites er det snakk om ein nedgang på 83,01 prosent og for Hexagon Purus ein nedgang på 70,61 prosent. 

I den andre enden er helskekost- og legemiddelutviklingsselskapett Arctic Bioscience med ei nesten dobling av aksjekursen.

Den doblinga har kome frå eit rekordlågt nivå. Kursen er ned 72 prosent samanlikna med 14. oktober 2024, før selskapet måtte skuffe aksjonærane med at ein omfattande medisinsk studie av selskapet silderognbaserte middel mot psoriasis, ikkje gav dei resultata selskapet hadde håpa på.