Lokalt næringsliv har tent éin milliard

(NPK-NETT.NO): Møre og Romsdal fylkeskommune sine investeringar i Nordøyvegen har tent lokalt næringsliv godt. Over éin milliard kroner har gått inn i den lokale økonomien.

Ei evaluering viser at 1,16 milliardar kroner frå Møre og Romsdal fylkeskommune si investering i Nordøyvegen har gått inn i den lokale økonomien.

Tala kjem fram i ei evaluering som er gjennomført av Concreto, skriv fylkeskommunen sine nettsider.

– Nordøyvegen er eit prosjekt med undersjøisk tunneldriving, masseflytting, vegbygging og plasstøypte betongkonstruksjonar. Vi har eit komplett næringsliv på Sunnmøre, der entreprenørar har god tilgang på kompetanse og tenester. Det er truleg den viktigaste grunnene til at det ligg store verdiar igjen lokalt etter bygginga, seier prosjektleiar Marianne Nærø i Møre og Romsdal fylkeskommune.¨

Har auka bemanninga
Evalueringa viser òg at lokale underentreprenørane har opplevd vekst i byggjeperioden. NETT NO har omtala korleis lokale entreprenørar gjekk saman for å sikre seg større oppdrag.

Halvparten av dei har auka bemanninga med lokalt, fast tilsette. Kvar tredje har utvida maskinparken. Dei melder om utvida nettverk, samarbeid og auka kompetanse.

Det tydar på at underentreprenørane har gjort ein større del av innkjøp av varer og tenester i lokalt næringsliv.

Fleire enn 40 læringar tek fabrev
Ein anna ting prosjektleiaren er svært nøgd med, er fleire enn 40 lærlingar har teke, eller skal ta fagprøva gjennom prosjektet.

Bedriftene får mellom anna betalt 50 kroner meir per time som blir nytta med lærlingar.

– Vi prøver å vere med å bygge kompetanse i bransjen, for med den satsinga som skjer på samferdsel, så trengst det, påpeiker ho.