I ein styrt budsjettlekkasje frå fiskeriministeren sjølv i dag varsla regjeringa at den vil auke kompensasjonen til fiskarane for CO2-avgifta dei må betale for drivstoffet.
Det er eit politisk gjennomslag for Fiskebåt.
- På kort sikt ser vi at auke i kompensasjonen er vegen å gå, seier assisterande direktør Jan Ivar Maråk i Fiskebåt. Fiskebåt er bransje- og arbeidsgivarorganisasjonen til eigarane av den havgåande fiskeflåten.
I forslaget til statsbudsjett, som kjem måndag, set regjeringa av 500,4 millionar kroner til CO2-kompensasjonsordninga for fiske i nære farvatn. Dermed blir ordninga auka med 153,6 millionar kroner, tilsvarande auken i CO2-avgifta i 2024.
Les også
Regjeringa vil ta meir av rekninga for fiskarane si CO2-avgift.
– Vi ser at vi har vi har fått litt politisk gehør, seier Fiskebåt sin ekspert etter nye signal.
Fiskeflåten manglar teknologien som trengst, seier statsråd Marianne Sivertsen Næss (Ap).
Maråk , har i fleire år arbeidd med kostnadsutfordringane CO2-avgift utgjer for fiskeflåten. Avgifta blir lagt på diesel, og skal stimulere til ei omlegging til energikjelder som ikkje medfører utslepp av CO2.
Den særnorske avgifta skal auke fram til år 2030. Problemet er mangel på alternativ til dieselmotorar.
Fiskebåt sine argument er mellom anna at avgifta verkar konkurransevridande, og gjer marginalt fiske ulønsamt. Fiskarane kjem til å fylle drivstoff i utlandet for å omgå avgifta - noko som kjem til å auke drivstofforbruket.
Gir effekt trass kompensasjon
Maråk seier at CO2-avgifta gir ein positiv effekt på drivstoff-forbruket og CO2-utsleppa, sjølv om fiskarane får kompensasjon.
Grunnen er at CO2-avgifta blir lagt på dieselprisen, medan kompensasjonen blir fordelt som andel av fangstverdien. Den som har eit lågt dieselforbruk i høve til fangstverdi, blir dermed belønna for det.
Dieselbruken kan reduserast mellom anna ved eit meir energieffektiv seglingsmønster, bruk av batteri eller anna drivstoff.
Publisert: 02.10.2024 15:00
Sist oppdatert: 02.10.2024 14:29
