Mest lest på Nett No i 2025

Båtar og eit arbeidsliv til sjøs er utgangspunktet for om lag halvparten av sakene på topp 15-lista over dei meste leste Nett No-sakene i 2025. 

Det er heilt naturleg for ei næringslivsavis som i hovudsak dekker Nordvestlandet. 

Rekneskapstala som blei presentert i årets Nett No-magasin viser kor mykje det utgjer for regionen når den maritime industrien får eit oppsving. 

• Sjå årets mest leste saker under (alle er ope for ikkje-abonnentar)

Skatt er óg eit tema som går igjen i fleire saker – også i det einaste Synspunktet på topplista: Olaug Strand Brunstad sitt opne brev til finansminister Jens Stoltenberg kom inn på 9. plass. 

Alle synspunkt på NETT NO blir lagt ut ope, slik at også dei som ikkje er abonnentar kan lese.

På 1. plass over dei meste leste sakene på Nett No i 2025 er nyheita om at Geiranger Fjordservice sikra seg ein av båtane Norled opphavleg bestilte frå Brødrene Aa. 

Hurtigbåtverftet gjekk konkurs i vår, etter at Norled kansellerte kontrakten på tre båtar. 

Meldinga var ein av dei første handfaste bevisa på at hjørnesteinsbedrifta var sikra vidare drift. I løpet av 2025 har dei tidlegare eigarane starta opp at produksjonen både i Eikefjord og Hyen. 

På 2. plass over dei mest leste sakene på Nett No i år er konkursen hos Rev Ocean-leverandøren Oceantec i Ulstein. 

Ulstein-selskapet hadde spesialisert seg på å levere overflatebelegg som mellom anna skulle i symjebassenget og helikopterdekket på Kjell Inge Røkkes superskip. 

Det kombinerte forskingsskipet og yachten til moldensaren blei som kjent fleire år forseinka – og leverandøren melde oppbod før skipet blei overlevert frå Vard. 

3. plassen for dei mest leste sakene på Nett No i 2025 er historia om Olav Sindre Kriken og partnarane sin skatteskvis. 

Ørsta-gründeren som mellom anna har fått Bill Gates på eigarsida rådde unge til å reise utanlands for å satse på business då han blei intervjua i februar. 

– Du kan heller bygge det du vil gjere globalt. Så kan du flytte heim og dele av det du har skapt på eit seinare tidspunkt, sa Kriken i intervjuet som kapra den siste pallplassen på Nett No si toppliste i år. 

1. Geiranger-selskap overtar Brødrene Aa-båt
2. Rev Ocean-leverandør konkurs
3. I skattefelle etter investorsuksess
4. Ny sjef på Stuen etter nok et rekordår
5. Turistboom på fjorden: Snudde skuta og kjøpte ny båt
6. Bunker Oil: – Konsekvensene er allerede dramatiske
7. Har selt to skip og får snart levert eit nytt
8. Bråbrems for bygging av fiskebåtar
9. Olaug Strand Brunstad: Kjære Jens
10. – Dette er berekraft i praksis, og samtidig lønsamt
11. Rentesmell for Flakk Gruppen
12. Prodtex kjempar for å overleve
13. Sølvtrans-eigarane sonderer for mogleg sal
14. Sanco-gründer ferdig som toppsjef
15. Rostein kjøper ny båt