Optimar-anlegg får tommelen opp

Optimar sitt anlegg for å avluse oppdrettslaks i eit kortvarig bad i varmt vatn vart selskapet sin store salssuksess etter lanseringa i 2016.

Tommelen opp betyr at Optimar framleis har ein marknad for avlusinganlegga sine i Noreg, som er verdas største produsent av atlantisk laks.

Etter forsøk som viste at varmt vatn kan vere smertefullt for laksen gav Mattilsynet i 2019 oppdrettsnæringa to års frist til dokumenterer at metoden med å køyre laksen kjapt gjennom eit bad med vatn på mellom 28 og 34 grader kan nyttast på ein fiskevelferdsmessig forsvarleg måte.

I februar i år fekk tilsynet presentert observasjonar, systematisk kartlegging, vurderingar og forbetringar av metoden. I dag har tilsynet sendt ut ei melding om at bruk av varmtvassbehandling, også kalla termisk behandling, kan halde fram.

"Det vil være mulig å benytte termisk behandling mot lakselus dersom effekten mot lusa er god og behandlingen gjennomføres på en forsvarlig måte.", heiter det i meldinga frå Mattilsynet.

Manglar alternativ
Grunnen til at termiske anlegg vart så populære var at lakselusa hadde blitt motstandsdyktig mot kjemikaliar som blir brukt i avlusingsmiddel.

Dei termiske anlegga, frå mellom andre Optimar, kom på sett og vis i grevens tid for oppdrettsnæring, som då fekk ein effektivt avlusingmetode som i tillegg ikkje forureina.

Framleis er det slik at oppdrettsnæringa er i beit for alternative måter å halde lakslusbestanden ned, og etter NETT NO si vurdering er det truleg ein av grunnane til at Mattilsynet seier ja til at metoden framleis kan brukast.